Patriot-tulga.kz
АЛАШ АРЫСТАРЫ

Қошке Кемеңгерұлы
Қазақ халқының біртуар қайраткері һәм көрнекті қаламгері Қошке (Қошмұхамбет) Кемеңгерұлы 1896 жылдың 15-шілдесінде ескіше Ақмола облысы Омбы уезі Теке болысы Қаржас ауылында туды. Кеңес үкіметі орнаған соң бұл аймақ Ресейдің Омбы облысы Әдес (Одесское) ауданына қарап кетті. Қазіргі Қазақстан Республикасының мемлекеттік шекарасынан Қаржас ауылы небары он бес шақырымдай жерде қалды. Тағдырдың жазуымен, тарихтың шешуімен Қошкенің кіндік қаны тамған жер, туып-өскен топырақ бүгінде бөтен елдің құрамына қарайды.

Әлімхан Ермеков
Әлімхан Әбеуұлы Ермеков Алаш қозғалысының жас та, алғыр, іскер қайраткері болды. Алашорда үкіметінің мүшесі, табиғатынан зерек тұлға, математика ғылымдарынан тұңғыш қазақ профессоры. Әлімхан Ермеков 1891 жылы осы күнгі Қарағанды облысы, Ақтоғай ауданы, Бөріктас деген жерде дүниеге келді. Әкесі Әбеу халыққа қадірлі, озық ойлы, орысша сауаты бар, өз дәуіріндегі зиялылардың бірі болған.1899 жылы Қарқаралыдағы қалалық училищеге оқуға түседі.