Кеңес Одағының Батыры, Қазақстан Республикасының тұңғыш Қорғаныс министрі, Халық Қаһарманы, армия генералы Сағадат Қожахметұлы Нұрмағамбетовтың туғанына 100 жыл толуына арналған Қарағанды облысы білім басқармасының Приозерск қалалық білім басқармасының "N1 жалпы білім беретін мектебі" коммуналдық мемлекеттік мекемесінде ерлік сабағы ұйымдастырылып өткізілді. "Аңыз адам" тақырыбындағы ерлік сабағының тізгінін ұстаған Приозерск гарнизонындағы Қарулы Күштер ардагерлері ұжымының төрағасы Тілек Кенжебеков қазақтан шыққан батыр Сағадат Нұрмағамбетовтың өмірі мен ерлік жолына тоқталды. Заманауи интерактивтік тақта арқылы іс-шараға қатысқан "Жас зеңбірекші" әскери-патриоттық клубының тәрбиеленушілері мен мектеп оқушыларына батырдың көрсеткен ерлік жолына арналған деректі фильм көрсетілді. Аты аңызға айналған Сағадат Нұрмағамбетов туралы ерлік сабағына арнайы шақырылған қонақтардың арасынан 60601 әскери бөлімі командирінің тәрбие және идологиялық жұмыстары жөніндегі орынбасары подполковник Нұрдос Қалымбетов, 06708 әскер бөлімі командирінің тәрбие және идеологиялық жұмыстары жөніндегі орынбасарының міндетін уақытша атқарушы капитан Сырым Бердалы, Приозерск гарнизоны Әскери полиция бөлімшесінің әскерлер қызметі жөніндегі офицері лауазымын уақытша атқарушы аға сержант Қанат Эшназаров және "Приозерск қалалық кітапханасы" коммуналдық мемлекеттік мекемесінің кітапханашысы Индира Талханбаева өз білгендерін жеткізді. "Аңыз адам" тақырыбындағы ерлік сабағына қатысушылардың батыр Сағадат Нұрмағамбетов тың өмірі мен ерлік жолынан үлгі алып, келешекте өз елінің нағыз патриоттары болып жетілетіндіктері сөзсіз!
Приозерск гарнизонының баспасөз хатшысы Думан Жұмашұлы
Comentarios