Жауынгерлік даярлық – басты назарда!
Бұл күндері «Астана» өңірлік қолбасшылығы әскерлеріне қарасты 06708 әскери бөлімінде жеке құрамның жауынгерлік даярлықтың 2021-2022 оқу жылындағы қысқы мерзімінің қорытындысы шығарылуда. Оқу кезеңіндегі әскери қызметшілердің жауынгерлік әзірлігі жоспарға сай жүргізілді.
Қорытынды сабақтар жеке құрамның саптық дайындығынан басталған болса, келесі кезекте әскери қызметшілердің спортпен айналысуындағы дене шынықтыру дайындығына ден қойылды. Талапқа сай, жеке құрам кермеге тартылу мен жүгіру сынағында оң нәтижелерге қол жеткізе алды.
Дәл бүгінгі көктемнің күнмен шағылысқан ашық күнінде бөлімнің әскери қызметшілері атыс алаңына аттанып, нысананы көздеудің атыс дайындығы жаттығуын пысықтады. Атыс қаруынан дәл көздеп атудан 96 ұпай жинаған материалдық-техникалық қамтамасыз ету батальонына тиесілі медициналық ротасының командирі аға лейтенант Ларионова Ольга Сергеевнаға тең келер ешкім болмады.
Жеке құрам оқу жылы барысындағы қысқы мерзімдегі жоғарғы деңгейлік көрсеткіштерімен келе жатқан бөлімнің жеке құрамының жүзінен келесі жаздық оқу жылында да алдыңғы қатарлы биіктерден көзге түсіп, жыл қорытындысын табысты аяқтауға ынта-жігерлері зор екендігі анық байқалады.
Comments