«Мамандығым - мақтанышым»

Ісім оңсын десеңіз

Сол істің маманы болыңыз.

Даңқым шықсын десеңіз,

Көпшіліктің адамы болыңыз.

Әл-Фараби

Мамандық тандау - бұл өте маңызды іс. Өйткені біз өзіміз таңдаған мамандық саласында өмір бойы қызмет атқарамыз.

Осыған орай 2023 жылдың 14 қыркүйек күні М.Ломоносов атындағы қалалық орталық кітапханада «Дарабоз» жобасы аясында «Мамандығым - мақтанышым» атты әр түрлі маман иелерінің қатысуымен кездесу кеші ұйымдастырылды.

Шараның басты мақсаты оқушылылардың алдында тұрған басты мәселе болашақ мамандығын таңдау. Мамандықты дұрыс таңдау- ол өмір жолының сәттілігінің негізі.

Жүсіпбек Аймауытов «Мамандықтың жаманы жоқ, бірақ мұның кез-келгеніне икемділік қажет. Бұл жай күнелту, тамақ асыраудың ғана жолы емес» дейді. Өз ісінің бүге -шегесін толық меңгерген кәсіби маман болу үшін,икем, қабілет және мінез қажет. Адамдар мамандықты жүрегінін қалауы бойынша таңдау керек. Өйткені әрбір адамның болашағы таңдаған мамандығына тікелей байланысты.

Аталған іс-шараға «Центртелесвязь» ЖШС бас есепшісі Бижанов Жания Набатовна, Полиция майоры, Батальон командирінің орынбасары Темірболат Азамат, «Қазақстан темір жолы» ҰК АҚ-ның Бизнес-аналитика департаментінің статистика бөлімінің 1 санатты инженері Досова Жанаргул Сагитқызы, «Керек Инфо» газетінің журналисі Смағулова Аружан Ізтілеуқызы шараға қонақ ретінде қатысып, өз ойларымен бөлісіп, сан алуан мамандық болғанымен таңдау біреу екенін нақтылап айта отырып, оқырмандардың сұрақтарына жауап берді.

Шараның жүйелі өтуіне Ақтөбе қаласының Ғ. Ақатаев атындағы №6 мектеп-гимназиясының оқушылары мен Ақтөбе қаласының №52 орта мектебінің оқушылары және кітапхананың тұрақты оқырмандары атсалысты.

Шара барысында «Мамандық таңдау – өміріңіздің бір кірпішін дұрыс қалау» тақырыбына арналған кітап көрмесі жасақталып,библиографиялық шолу жасалынды. Кітапхананың тұрақты оқырманы 6-сынып оқушысы Амандық Жансұлтан Талғатұлы кеш қонақтарына ән шашуын тарту етті.

Сондай -ақ патша көңілді оқырмандарымызға «Қалалық орталықтандырылған кітапхана жүйесі» КММ директорының орынбасары Есенгулова Анаргуль Әшімқызы шараға қатысқан қонақтарға алғыс хаттар мен сыйлықтар табыс етті.

Нурзада Жайылханқызы Садыкова

Қалалық орталық кітапхана қызметкері

Ақтөбе қаласы